اسلام آباد پولیس کی کارروائی، کراچی سے تعلق رکھنے والے 4 مبینہ ٹارگٹ کلرز گرفتار

اسلام آباد: وفاقی دارالحکومت کی پولیس نے ایک کارروائی کے دوران کراچی میں ٹارگٹ کلنگ میں ملوث 4 ملزمان کو گرفتار کرنے کا دعویٰ کیا ہے۔

اسلام آباد پولیس کے مطابق گزشتہ رات ڈکیتی کی ایک واردات کو ناکام بناتے ہوئے 4 ملزمان کو گرفتار کیا گیا، پکڑے گئے ملزمان میں سے 2 کی شناخت ثمر اور عبد اللہ کے نام سے ہوئی ہے۔ ملزمان کا تعلق کراچی سے ہے۔

پولیس کا کہنا ہے کہ ملزمان نے ابتدائی تفتیش کے دوران انکشاف کیا ہے کہ ان کا تعلق ایک سیاسی جماعت سے ہے اور وہ کراچی کے علاقے کورنگی میں مبینہ طور پر ٹارگٹ کلنگ، ڈکیتی اور بھتہ خوری میں ملوث ہیں، بھتے سے جمع کی گئی رقم اسی سیاسی جماعت کے مرکزی دفتر میں جمع کرائی جاتی ہے۔ پولیس نے ملزمان کو مزید تفتیش کے لئے نامعلوم مقام پر منتقل کردیا ہے۔

سعودی عرب میں عمارت گرنے سے 50 سے زائد مزدوردب گئے، بیشتر کا تعلق پاکستان سے ہے

ریاض: سعودی عرب کے دارالحکومت میں زیرتعمیر عمارت گرنے سے 50 سے زائد مزدور ملبے تلے دب گئے جن میں سے بیشترکا تعلق پاکستان سے ہے جب کہ ملبے سے 4 لاشیں اور 4 زخمیوں کو نکال لیا گیا ہے۔

غیرملکی خبر رساں ادارے کے مطابق دارالحکومت ریاض میں القسیم یونیورسٹی میں زیرتعمیر کنونشن سینٹر کی عمارت منہدم ہوگئی جس کے ملبے تلے 50 سے زائد مزدور دب گئے جب کہ مزدوروں کا تعلق مختلف ممالک سے ہے تاہم بیشتر کا تعلق پاکستان سے ہے۔ مقامی میڈیا کے مطابق مزدوروں کو ملبے سے نکالنے کے لئے ریسکیو آپریشن شروع کردیا گیا ہے جب کہ ابتدائی طور پر ملبے سے 4 زخمیوں اور 4 لاشوں کو نکال لیا گیا ہے۔

اس شہرِ سنگ دل کو جلا دینا چاہیے

اس شہرِ سنگ دل کو جلا دینا چاہیے

پھر اس کی خاک کو بھی اُڑا دینا چاہیے

ملتی نہیں پناہ ہمیں جس زمین پر

اک حشر اس زمیں پہ اٹھا دینا چاہیے

حد سے گزر گئی ہے یہاں رسمِ قاہری

اس دہر کو اب اس کی سزا دینا چاہیے

اک تیز رعد جیسی صدا ہر مکان میں

لوگوں کو ان کے گھر میں ڈرا دینا چاہیے

گُم ہو چلے ہو تم تو بہت خود میں اے منیر

دنیا کو کچھ تو اپنا پتا دینا چاہیے

خوشبو کی طرح دل کے گلابوں میں رہے گا

خوشبو کی طرح دل کے گلابوں میں رہے گا

وہ چاند ہمیشہ میرے خوابوں میں رہے گا

بھیگی ہوئی آنکھوں سے گلے مل کے بچھڑنا

وہ شخص سدا دل کے نصابوں میں رہے گا

شاید میں ابھی اس کے جگر تک نہیں اترا

شاید وہ ابھی اور نقابوں میں رہے گا

سانسوں کی طرح میں، تیری نس نس میں رہوں گا

کھو کر تُو مجھے خود بھی عذابوں میں رہے گا

نشہء تو تیرے قرب کا ہے جانِ تمنا

کیا لطف تیرے بعد شرابوں میں رہے گا

ہاں پیار ہے، ہاں پیار ہے، سولی پہ چڑھا دو

اقرار ہے، اقرار ہے، جوابوں میں رہے گا

پھر زرد رُتیں دل پہ اُترنے لگیں ایاز

دل تب ہی بچے گا جو خرابوں میں رہے گا

-

ناخن پرچپک کرخفیہ ایس ایم ایس کرنے والا جدید اسٹیکرتیار

ناخن پرچپک کرخفیہ ایس ایم ایس کرنے والا جدید اسٹیکرتیار

ماہرین کے مطابق اس اسٹیکر کو مستقبل کا ریموٹ کنٹرول بھی قرار دیا جارہا ہے، تصویر ایم آئی ٹی

بوسٹن: کبھی کبھی آپ کو انتہائی ضروری پیغام پہنچانے کے لیے میسج بھیجنے کی ضرورت ہوتی ہے لیکن اگر آپ اس وقت میٹنگ یا محفل میں ہوں تو اس طرح فون پرمصروف رہنا خلاف ادب عمل شمار کیا جاتا ہے مگر اب آپ کی یہ مشکل بھی آسان ہوجائے گی کیونکہ انگوٹھے کے ناخن پر نصب ایک ایسا اسٹیکر تیار کرلیا گیا ہے جسے چھونے سے آپ کی ای میل یا میسج پہنچ جائے گا اور کسی کو اس کا علم بھی نہیں ہوگا۔

امریکی ماہرین نے رنگ برنگی جعلی ناخنوں سے متاثر ہوکر ایک اسٹیکر تیار کرلیا ہے جس کے نیچے باریک سرکٹ موجود ہے جو صرف انگلی لہرانے سے ہی ایک میسج تیار کرسکتا ہے۔ اس ایجاد کو نیل او NailO کا نام دیا گیا ہے جسے بعض لوگ جاسوسی کا ایک آلہ بھی قرار دے رہے ہیں کیونکہ صرف ناخن چھونے اور انگلی لہرانے سے بھی ای میل اور ایس ایم ایس تیار کیا جاسکتا ہے جس کا کسی کو احساس بھی نہیں ہوتا جب کہ یہ پیغام وائرلیس یا بلیوٹوتھ کے ذریعے اسمارٹ فون یا کمپیوٹر پر منتقل ہوجاتا ہے۔

اس جدید اسٹیکر پر 4 تہیں موجود ہیں جن میں سب سے اوپررنگین پرت، دوسری پر سینسر،تیسرے پر مائیکروچپس اور کنٹرولراوربلوٹوتھ اورچوتھی پربیٹری ہے جب کہ یہ اسٹیکر2 گھنٹے تک پیغام نشر کرسکتا ہے، اس جدید ٹیکنالوجی کے ذریعے چھوٹے ایس ایم ایس اور ای میل پیغامات کو صرف انگوٹھا گھمانے سے بھیجا جاسکتا ہے۔

ماہرین کے مطابق اس اہم ایجاد کا اینٹینا بنانا ایک چیلنچ تھا تاہم اور اب بیٹری کو بہتر بنانے پر کام جاری ہے جو فی الحال صرف 2 گھنٹے تک کام کرسکتی ہے۔ ماہرین کے مطابق اسے مستقبل کا ریموٹ کنٹرول بھی قرار دیا جارہا ہے ۔ مثلاً گھر میں داخل ہوتے ہی اگر آپ ناخن کے اسٹیکر پر دائیں سے بائیں انگلی پھیریں تو اس سے دروازہ کھل جائے اور بائیں سے دائیں پھیرنے پر گھر کی روشنی جلائی جاسکتی ہے۔

ﮐﯿﺴﯽ ﺩﻧﯿﺎ ﺑﺴﺎﺋﮯ ﭘﮭﺮﺗﺎ ﮨﮯ

ﮐﯿﺴﯽ ﺩﻧﯿﺎ ﺑﺴﺎﺋﮯ ﭘﮭﺮﺗﺎ ﮨﮯ

ﭼﮭﻮﮌ ﺍﭘﻨﮯ ﭘﺮﺍﺋﮯ ﭘﮭﺮﺗﺎ ﮨﮯ

ﺟﯿﺴﮯ ﺳﺐ ﮐﭽﮫ ﺍﺑﮭﯽ ﺳﻼﻣﺖ ﮨﻮ

ﺍﯾﺴﮯ ﺳﺐ ﮐﻮ ﺟﮕﺎﺋﮯ ﭘﮭﺮﺗﺎ ﮨﮯ

ﻭﻗﺖ ﻟﻮﭨﺎ ﮨﻮ ﺟﯿﺴﮯ ﮈﺍﮐﮯ ﻣﯿﮟ

ﺟﺐ ﺑﮭﯽ ﺩﯾﮑﮭﻮ ﮔﻨﻮﺍﺋﮯ ﭘﮭﺮﺗﺎ ﮨﮯ

ﺟﯿﺴﮯ ﺩﻧﯿﺎ ﻣﯿﮟ ﮐﭽﮫ ﺑﭽﺎ ﮨﯽ ﻧﮩﯿﮟ

ﺍﯾﺴﮯ ﺳﮕﺮﯾﭧ ﺟﻼﺋﮯ ﭘﮭﺮﺗﺎ ﮨﮯ

ﻣﺮ ﻧﮧ ﺟﺎﺋﮯ ﺗﮭﮑﻦ ﺳﮯ ﺗُﻮ صاحب

ﺳﺮ ﭘﮧ ﻣﺎﺿﯽ ﺍُﭨﮭﺎﺋﮯ ﭘﮭﺮﺗﺎ ﮨﮯ

بکھرتا جسم میری جاں کتاب کیا ھو گا؟

بکھرتا جسم میری جاں کتاب کیا ھو گا؟

تمہارے نام سے اب انتساب کیا ھو گا؟

تم اپنی نیند بھرے شہر میں تلاش کرو

جو آنکھ راکھ ھوئی اس میں خواب کیا ھو گا؟

وہ میری تہمتیں اپنے بدن پہ کیوں اوڑھے

میرے گناہ کا اس کو ثواب کیا ھو گا؟